前鋒地獄主場王
上季日職盟主川崎前鋒之所以創出佳績，全賴班波喺主場球迷面前夠爭氣，佢哋上季聯賽主場17仗入面贏咗12場，而且只係輸過1仗，絕對係地頭王。
鹿角客戰一樣堅
實力強勁嘅鹿島鹿角，就算作客表現都冇跌Watt，上季17仗聯賽作客就豪取12場勝仗，包括曾經喺客場擊敗大阪櫻花同柏雷素爾等聯賽強隊，戰力不容忽視。
勝利船讓波夠正氣
神戶勝利船實力雖然喺聯賽唔算超班，不過面對實力較次嘅對家就絕冇甩拖，上季聯賽開7次「讓球」讓平半盤，就贏足6次，應贏則贏夠晒正氣。
山葉受讓有驚喜
磐田山葉近年名氣大不如前，因此經常受讓，不過佢哋戰力有番咁上下，上季聯賽21次讓球主客和「+1」有16次贏盤，可見球隊面對實力較強嘅對手都唔會坐以待斃。
水手主場最搶韁
橫濱水手踢法主攻好搶韁，尤其主場出擊往往先發制人，上季17仗聯賽主場作賽，就有多達15次先開紀錄，球隊在主場球迷吶喊聲中明顯有向對手宣示主權的決心。
紅鑽主場開慣大騷
浦和紅鑽出晒名攻強守弱，尤其主場出擊更加放膽壓上喪攻，不過後防表現又不濟，結果成日同對手上演入球騷，上季17仗聯賽主場，就有13次開3球或以上。