冠軍貼定先：鹿角班底強冠軍首選

日職自1992年成立以嚟，共有10支球隊曾染指冠軍獎盃，當中鹿島鹿角就曾8次封王，是日職史上奪冠次數最多嘅球會。可惜鹿角上季日職煞科戰和波失分，遭川崎前鋒追至同分，並因得失球差不及對方，衞冕失敗。今季球隊吸取教訓，成功搵到喺德甲打拚8年嘅內田篤人回流，呢位29歲後衞大賽經驗豐富，有望穩定軍心，加上球隊同巴西前鋒韋法臣李安度簽長約，足以見到鹿角重奪聯賽錦標嘅決心。