意甲上演「都靈打吡」，拖連奴主場鬥祖雲達斯，雖然話係同市大戰，但雙方實力長期存在一大距離，近7次交鋒，祖雲達斯獲得6勝1和，其中5次贏2球或以上。加上祖記正全力追趕榜首拿玻里，1分都不能少，必定全力搏殺。祖雲達斯讓半一，都要上盤。
（無綫myTV SUPER 302台周日晚7時30分直播）
祖雲達斯上周中歐聯主場領先兩球，被熱刺逼和2比2，晉級形勢不妙，所以更需力保聯賽爭標機會，以免變「雙失」。祖記現時落後榜首拿玻里1分，隨時有機會反超前，最重要係做好自己，每場都全取3分。以祖雲達斯近8場聯賽全勝，只失1球嘅強勢，今場要完成贏波任務並唔難。射手希古恩近3場聯賽射入5球，上仗歐聯亦梅開二度，如非12碼宴客，已可上演帽子戲法，正因為佢射失12碼，搞到祖記贏唔到熱刺，今場更加要盡力胡數，將功補過。
拖連奴遇強即屈
拖連奴雖然近7場聯賽不敗，但大部分對手只屬中下游球隊，其實佢哋遇強即屈，今季聯賽對祖雲達斯、羅馬、拿玻里都輸波，其中吞祖記4蛋，上月意盃碰面，拖連奴再以0比2不敵祖記，近2次主場對祖記，亦分別輸1比4及1比3，根本就冇得鬥。拖連奴今場再輸兩球或以上，好正路。