自由盃主場無大不歡
周四有多場戲碼十足嘅盃賽上演，阿King又有好介紹送畀大家，周四早上自由盃分組賽，法林明高主場對河床。河床今季表現勁曳，尤其作客成績慘淡；相反隊中有多位攻擊好手嘅法林明高，自由盃主場出擊向來醒神，近8仗全開3球或以上，今場乘主場之利有力大勝河床，中位數2.5球入球大捧得過。
（周四早上8時45分開賽，馬會網上文字直播）
踢法進取嘅巴甲球隊法林明高坐擁唔少進攻好手，其中名氣最響肯定係年僅17歲嘅超新星雲尼斯奧斯祖利亞，呢位已經畀皇馬以4,500萬歐元嘜實咗嘅巴西前鋒，近4仗為法林明高上陣輕鬆攻入3球，表現有番咁上下質素，加上陣中仲有多年歐洲揾食經驗嘅老將迪亞高負責中場派牌，攻力絕對有保證。相反，來自阿根廷嘅河床近7場客戰輸晒，當中包括喺上屆自由盃4強次回合以2比4大敗畀拉魯斯，加上球隊近期狀態低迷，今場遠赴巴西出戰隨時畀對手炒起，捧大盤最好不過。
祖記搶攻捧半場W
另外有兩場意大利盃4強次回合賽事，先講祖雲達斯主場迎戰阿特蘭大，祖記首回合僅以1比0取勝，晉級形勢唔算穩陣，為免夜長夢多今場肯定搶攻，博好分揀半場主勝。最後拉素主場硬撼AC米蘭，雙方首回合雖然互交白券，不過拉素近7次對AC僅贏過1次，面對近12仗未輸過嘅AC難有力取勝，今場要受讓嘅AC米蘭讓球客勝。