今日戲碼以西甲快車為主菜，阿King睇中拉斯彭馬斯主場對「1哥」巴塞隆拿，巴塞近期要兼顧西甲、西盃同歐聯多條戰線，球員或多或少現疲態，嚟緊周日晚仲要主場硬撼最大挑戰者馬德里體育會，今晚輪換下未必踢得進取，加上近6次作客5仗開半場和，今仗半和有3.05倍好分頭值追多次！
（Now 632周五凌晨4時直播）
孭住多條戰線嘅巴塞，球員現疲態在所難免，早前聯賽就接連失分，依家只領先次席馬體會7分，嚟緊周日榜首兩雄仲要喺魯營交鋒，主帥華爾維迪自然想畀班主力休息，今仗陣容隨時有變。拉斯彭馬斯近6仗同樣5次開出半和，上半場有氣有力頂得兩嘴，要守住半場問題不大。
貝迪斯主場做慣「大」騷
另外兩場西甲，較早時間開波嘅貝迪斯主場對皇家蘇斯達，貝迪斯地頭出擊駁慣火，中位數3.5球大盤值博。（Now 633周五凌晨2時30分直播）尾關艾拉維斯主場鬥利雲特，艾拉維斯近9次主場法定時間獲8勝1和弗爆，今遇護級對手必搏盡，簡單要主勝。
（Now 633周五凌晨4時30分直播）