西甲周二凌晨獨腳戲，有切爾達主場迎戰護級分子拉斯彭馬斯。主隊切爾達近期狀態麻麻，近5仗聯賽4度失分之後，距離歐洲賽資格愈嚟愈遠，主場出擊係不容再失，不過拉斯彭馬斯為護級亦唔會坐以待斃，預期會係一場積極鬥攻賽事，中位數2.5球嘅大盤抵玩。
（Now 632周二凌晨4時直播）
切爾達主場慣搶韁
切爾達主場出擊向來好進取，近4仗主場賽事都至少入到2球，一對箭頭麥斯高美斯同伊亞高艾斯巴斯交足貨，呢個組合今季西甲合共入咗30球，包括近3仗主場嘅7個入波都係佢哋包辦。
不過，切爾達近4仗主場都有3仗被對手攻入2球，可見進攻踢法令防守暴露唔少漏洞。
作客嘅拉斯彭馬斯深陷降班區域，護級博命真係1分都不能少，今仗對住實力唔算太強嘅切爾達，肯定唔會死守求和，考慮到兩隊過往9次交鋒都係大手交易，9場波總入球數均達到3球或以上，今仗再追2.5球嘅入球大屬明智選擇。