至於歐霸冠軍大熱門馬德里體會會，喺今晚16強首回合主場硬撼俄超「1哥」莫斯科火車頭。「床單兵團」剛於聯賽同巴塞激戰一場，最終輸波兼搏得太盡未回氣；至於火車頭客場出擊相信會穩陣行先，今仗唔慌多波入，一於捧中位數2.5球細盤。
（Now 632周五凌晨2時直播）
從歐聯降格踢歐霸嘅馬體會，喺眾多球隊之中確實超晒班，上圈兩回合計大勝丹麥球隊哥本哈根5比1，難怪依家以3.3倍升格為奪冠大熱，何況主帥施蒙尼喺2012年接手「床單兵團」之時，正係該年勇奪歐霸打響名堂，今屆當然想重溫舊夢。不過馬體會喺日前聯賽嘅榜首大戰，作客以0比1輸畀巴塞隆拿，畀對手甩開8分，令爭奪聯賽冠軍機會渺茫之餘，嗰場波眾將亦搏到好盡，未必咁快回得切氣，所以預計今場唔會急於搶攻。
火車頭作客睇定嚟踢
另一邊廂，莫斯科火車頭乃俄超「1哥」，日前聯賽刻意收起法芬、阿里等多名主力，擺明留力今仗同馬體會鍊過，而且莫斯科火車頭客場出擊例必踢得保守，近5仗歐霸作客只係入5球，當中有4仗開出兩球或以下，加上今仗要造訪大熱門馬體會，相信一定踢得更加小心翼翼，預計戰況會處於膠着，轉捧2.5球細盤更為上算。