「雌狼」反擊戰今晚上演！意甲勁旅羅馬喺歐聯16強次回合迎戰薩克達，想晉級要收復首回合落後1比2嘅劣勢，今仗主場出擊肯定盡地一煲狂攻，以「雌狼」近期強勁火力，要破作客曳到震嘅薩克達冇難度，一於熱捧1.56倍主勝！
（有線62及202台周三凌晨3時45分直播）
羅馬首回合雖輸1比2，但有個作客入球喺手，今仗只要贏1比0都可以晉級。羅馬近兩仗重振雄風，先後4比2大破拿玻里同3比0贏拖連奴，火力十足，加上射手迪斯高同守將法斯奧剛喺聯賽坐波監，變相留力今仗大戰，贏面極高。
薩克達作客腳軟
薩克達喺烏克蘭惡晒，但作客就完全唔掂，近7仗歐聯客場輸6次，當中5仗仲要輸至少2球，認真羞家，今晚更有後防主力達里祖史拉停賽，相信難逃一敗。
分享到：