周末好波停不了，我阿King又有過關心水想同大家分享。頭關有馬拉加主場挑戰巴塞隆拿，西甲包尾嘅馬拉加表現曳到冇朋友，好在實力明顯佔優的巴塞，近期攻力有所回落，近11仗10次開3球或以下，而且仲要兼顧歐聯，呢場鬥馬拉加未必會盡晒力，中位數3.5球細盤捧得過。
（Now 632周日凌晨3時45分直播）
季初走勢強勁嘅巴塞，近排火力有所放緩，皆因球隊倚重嘅兩位主力前鋒蘇亞雷斯和美斯，都因為幾乎全勤搞到疲態盡顯，兩人今季聯賽合共為球隊攻入44球，佔巴塞西甲總入球數6成以上，早前更曾經連續5輪聯賽齊齊為巴塞入波，鋒力所向披靡，不過佢兩嗰咁犀利，巴塞真係好難揾人頂替。而且巴塞即將喺歐聯硬撼車路士，今仗冇可能全力迎戰，入球能力難有保證。
串帕托拿圖勝阿美利加大
另外再揀兩場早餐波，先有阿甲帕托拿圖主場鬥河床。河床聯賽近6次客戰全部輸晒，狀態曳爆，相反帕托拿圖前鋒施巴斯坦列巴斯近4次上陣入4球，有力擊敗對手，冷W有得諗。最後墨超CF阿美利加主場迎戰利昂，踢法進取嘅利昂作客照同對手鬥攻，近4次作客全開3球或以上，呢場入球大值得追捧。