西維爾訪英冇啖好食
今晚歐聯16強次回合焦點之戰，曼聯主場鬥西維爾，「魔帥」莫連奴首回合「泊大巴」和0比0，自然又被批評戰術保守、踢法肉酸，但其實佢嘅策略已經成功一大半，皆因曼聯近7次喺奧脫福出戰歐聯，獲6勝1和佳績，反觀西維爾近4次訪英只得1和3負，簡單要1.54倍主Ｗ。
（有線61、64、201及203台周三凌晨3時45分直播）
「福仔」擔大旗又嚟料
曼聯首回合畀西維爾圍攻，全靠門將迪基亞力挽狂瀾，全場8次撲救力保不失。今晚返奧脫福係時候發威，佢哋近2仗英超主場分別贏車路士及利物浦，魔性澎湃，拉舒福特上仗「雙紅會」梅開二度砌低利物浦光芒四射。「福仔」首回合僅後備上陣15分鐘，今仗有望擔正隨時又嚟料。睇數據近30支於歐聯淘汰賽首回合作客和0比0嘅球隊，有21支可順利晉級，成功率達7成，絕對係「紅魔」吉兆。
西維爾遇強即屈未夠班
「歐霸專家」西維爾踢歐聯級數始終差啲，今屆6場分組賽僅2勝作客未贏過。就算踢西甲亦畀馬體會、華倫西亞「雙殺」，對皇馬、巴塞難逃一敗，可以話遇強即屈。西維爾從未突破歐聯16強，上屆16強首回合領先下，作客吞另一英超球隊李斯特城兩蛋出局，近4次歐聯造訪英超球隊只得1和3負，相信宿命難違。
分享到：