以攻代守迎AC
周五凌晨歐霸16強烽煙再起，其中阿仙奴將會返到主場再鬥AC米蘭。兵工廠首回合取得2比0領先優勢，可以話佔盡先機，不過球隊今季防線表現時好時壞，主場各項賽事近9仗全開3球或以上，加上落後嘅AC米蘭為晉級呢場肯定焗攻，兵工廠齋守就想過骨邊有咁易，呢場中位數2.5球入球大有成1.7倍，度士捧大盤。
（Now 633周五凌晨4時05分直播）
首回合未開波前，兵工廠曾經喺歐霸1比2不敵奧斯達辛斯之餘，仲畀曼城先後兩次以0比3羞辱，已經搞到槍手眾將深陷信心危機，跟住仲畀英超新軍白禮頓以1比2擊潰，狀態絕對可以話係跌落低潮，所以球隊首回合作客面對近期走勢強勁嘅AC米蘭之前，相信大部分廠迷都唔敢對結果有太大期望，更加唔會估到阿仙奴可以帶住2個作客入球嘅優勢返番主場，可見無論阿仙奴走勢再差，其實佢哋實力依然有保證，上仗喺英超就乘勢主場3比0贏埋屈福特，足以證明球隊質素，惟獨後防表現依然令人堪憂，近7仗歐洲賽主場有6次就因此開3球或以上，呢場佢哋如果有自知之明，相信都唔會齋守，寧願爭取入多兩球更穩陣。
AC落後焗駁火
相反落後2球嘅AC米蘭，為出線肯定全力搶攻，佢哋一班前鋒今屆表現唔差，除咗安達施華歐霸至今有6球進帳之外，小將柏德列古度尼都曾4次為球隊取得入球，攻力有番咁上下，加上有鐵血主帥加度素領軍，球隊就算無法收復首回合失地，都有計攻破兵工廠大門，睇好兩隊上演對攻大戰，呢場入球唔會少，中位數2.5球大盤值博。
分享到：