另一場西甲，皇家馬德里主場鬥基羅納。皇馬全面復甦，包括聯賽及歐歐聯，近9場贏8場，當中近4場主場更全勝，共轟入15球，火力強勁。不過，皇馬防線並唔穩陣，近4場主場有3次失波，總入球全開4球或以上，今場博中位數3.5球嘅入球大更穩陣。（Now 632周一凌晨3時45分直播）
皇馬已遙遙落後榜首巴塞15分，爭標機會極為渺茫，但為向主場球迷交代，亦唔可以放軟手腳。其實皇馬自2月中開始已重拾霸氣，近9場8勝1負，包括歐聯16強「雙殺」法甲勁旅巴黎聖日耳門。皇馬球星C朗腳風亦愈來愈順，近4場聯賽有3場梅開二度，以佢目前勇態，相信今場很大機會再破基羅納大門。
基羅納近5場都有波入
基羅納今季表現令人驚喜，代表作一定係聯賽首循環以2比1擊敗皇馬。球隊近5場西甲取得4勝1負，但要留意有3場勝仗係主場賽事，其中敗仗就係作客以1比6慘敗畀巴塞，今場造訪巴拿貝，恐難逃大敗。不過基羅納近5場都有波入，鋒力唔錯，即使輸波亦應該有力破蛋，中位數3.5球嘅入球大值博。
分享到：