英足盃8強勁旅林立，唯一一支非英超球隊韋根，今晚喺主場迎戰「聖人」修咸頓。「英甲仔」韋根喺今屆賽事做慣「巨人殺手」，4次對英超球隊3勝1和未輸過，當中3次主場出擊更不失一球。修咸頓喺英超護級形勢險峻，日前炒埋領隊比歷堅奴，新帥曉士剛接手摸都未摸熟，讓球主客和韋根受讓一球，必捧1.8倍讓主！
（ViuTV 99及Now 633周日晚9時30分直播）
韋根今屆英足盃自第3圈開始，先後淘汰般尼茅夫、韋斯咸同曼城3支英超球隊，尤其上圈16強對住今季橫掃英超嘅曼城，韋根竟然能「零封」對手，最終憑射手基歷治一箭定江山，粉碎曼城「4冠王」美夢，絕無僥倖成分。韋根過去13仗主場只係輸過1次，證明球員喺地頭出擊特別有把握。
修咸頓護級大過天
修咸頓近況低迷，近17仗聯賽只獲1勝，深陷降班漩渦，球隊日前更炒埋領隊比歷堅奴，改搵曉士接手，不過呢位威爾斯名帥啱啱上任，咪旨意佢可化腐朽為神奇，再者曉士知道護級先係首要任務，足總盃隨時當練兵，韋根受讓絕對值支持。
分享到：