今晚英足盃8強頭場，熱刺作客「天鵝」史雲斯。史雲斯板櫈深度有限，若分心盃賽隨時影響埋護級；熱刺雖有王牌哈利卡尼養傷，但南韓射手孫興民弗爆，加上近年作客都食住「天鵝」，讓一球照捧1.7倍上盤！
（ViuTV 99及Now 633周六晚8時15分直播）
近6次征史雲斯 熱刺獲5勝
史雲斯呢類中型班資源緊絀，現時喺聯賽只領先尾3嘅水晶宮4分，現階段護級大過天，萬一有乜依郁傷多幾件，影響埋護級就喊都無謂，所以今仗大有機會得過且過。熱刺喺歐聯出局，現時排聯賽第3，領先「5哥」車路士5分，前4席位暫時都叫穩陣，因此有餘力爭盃賽，雖然王牌哈利卡尼因傷缺陣，好彩仲有孫興民撐住，呢位南韓國腳近4仗入7粒，腳風極順唔愁入唔到波。何況熱刺近6次作客史雲斯獲5勝1和，上盤讓一球唔怕辣，有買趁早。
分享到：