近6交鋒全開2球或以下
周三多場好波值得關注，阿King介紹幾場心水醒大家。日乙開快車，東京綠茵主場面對福岡黃蜂，黃蜂防守向來有保證，今季聯賽首仗客戰就力保不失兼以1比0擊敗金澤薩維根，而且球隊過去6次面對東京綠茵全開兩球或以下，今仗相信有力頂住綠茵攻勢，中位數2.5球入球細捧得過。
（周三下午3時開賽，馬會網上文字直播）
福岡黃蜂係上季日乙失球最少嘅球隊，仲靠住穩固嘅後防一路殺入升班附加賽決賽，可惜只能0比0踢和當時對手名古屋鯨魚，最終因聯賽排名較低未能升班，可見黃蜂雖然攻力一般，不過後防表現絕對冇甩拖，計埋球隊當時喺附加賽4強戰以1比0擊敗東京綠茵，黃蜂近6次面對綠茵都只係失過兩球，而且總入球全開兩球或以下，今場細盤最值博。
綠雉搶韁吼半場勝
同日仲有京都不死鳥主場迎戰岡山綠雉（周三下午2時開賽，馬會網上文字直播），岡山綠雉走勢不俗，踢法進取頻頻搶攻，近4仗嘅上半場已經取得領先優勢，面對開咧戰績麻麻嘅不死鳥，有力喺半場反客為主，半場客勝絕對係心水推介。最後再拖一場英甲華素爾主場硬撼韋根，韋根英足盃遭淘汰後，肯定會全力喺聯賽爭升班，面對近5仗聯賽輸咗4場嘅華素爾，客勝實食冇黐牙。
分享到：