巴省聯聽朝上演最後1場8強次回合賽事，由勁旅哥連泰斯主場再鬥巴拉干天奴。哥連泰斯首回合作客倒灶輸2比3，由於賽制唔計算作客入球優惠，今場哥連泰斯喺主場只要贏對手兩球或以上，就可以晉級，目標明確。以哥連泰斯超班嘅實力，只要踢番正常水準，唔難完成任務，哥連泰斯讓1/1.5球，1.8倍上盤照跟！（周五早上7時開賽，馬會網上文字直播）
近3次主場出擊贏晒
哥連泰斯近況其實唔曳，尤其近3次主場出擊贏晒，兼夾全部零封對手，反映佢哋主場做到「攻守兼備」，今場對手巴拉干天奴始終實力有限，作客好難再偷到雞。其實哥連泰斯首回合有輕敵之嫌，並未派出強陣應戰，今勻返主場梗係要同球迷交代，冇得再Hea踢，始終對手只屬丙組球隊，未能晉級真係好肉酸。睇賠率今場主Ｗ冇肉食，讓球盤讓1/1.5球，上盤相對好分頭值得捧場。
分享到：