U21歐國盃外圍賽第2組賽事，今晚有北愛爾蘭U21主場鬥冰島U21，戲碼睇落唔算強，不過進步神速嘅北愛爾蘭U21都好值得留意，佢哋近年打起唔少有潛質新人，加上新帥巴拉哥洛夫崇尚進攻，今仗對住以「快樂足球」聞名嘅冰島，擺明鬥攻格，中位數2.5球嘅大盤要捧場！
（周二凌晨2時30分開賽）
北愛爾蘭喺上屆U21歐國外10戰不勝排包尾，不過今屆佢哋表現脫胎換骨，現時喺第2組佔據第2位，有力爭奪出線資格。事實上北愛有唔少新星冒起，效力昆士柏流浪嘅保羅史密夫，更被愛爾蘭引誘「轉籍」，證明佢嘅能力得到肯定。北愛上周五大戰榜首勁旅西班牙，3度追平下輸3比5亦雖敗猶榮，上年10月亦曾主場4比2炒愛沙尼亞，火力十足。
冰島快樂足球作客唔會縮
冰島U21依家少北愛爾蘭3分排小組第4位，但係仲踢少1仗，要爭做最佳次名梗係唔衰得。冰島足球風格向來係「快樂足球」，唔理贏輸都想盡力爭取入波報答捧場fans，佢哋上輪作客3比2贏愛沙尼亞表現對辦，今仗作客亦有晒信心搶攻，入球大最穩陣。
分享到：