前線爆發 近況上升
蘇超今晚有護級大戰，由聖莊士東主場迎戰咸美頓，兩隊近期表現都在上升中，護級形勢唔算太惡劣，今次交鋒自然希望食住個勢力爭上游，預期踢法會比較主動，加上雙方最近都有提升進攻火力，今仗好可能會出現大量入球，捧入球大最好路。
（周四凌晨2時45分開賽）
主隊基斯卡尼腳風順
英超有個哈利卡尼入波當食生菜，原來聖莊士東都有個基斯卡尼，呢位小將1月由南部皇后外借回收後，至今已經入咗6球，包括近2場聯賽轟入3球，腳風頗順，佢嘅回歸直接令到球隊入球能力提升，今仗必定繼續掛帥數胡，主場出擊唔憂冇波入。
作客嘅咸美頓早前曾經跌落尾2位置，不過近期翻生，近3仗聯賽2勝1和，大大舒緩降班壓力。咸美頓領隊簡寧近期改用簡單直接踢法，頻頻靠死球高空轟炸，果然火力即刻提升，近4場聯賽合共轟入9球，雖然防守仍然有甩漏，但主攻踢法明顯令成績提升，今仗自然會照辦煮碗。
分享到：