巴西聖保羅省聯賽淘汰圈嚟到4強次回合，周四早上哥連泰斯將會返到主場再鬥聖保羅。哥連泰斯有多位主力球員缺陣，加上球隊本身攻力一般，近5主場全開2球或以下，面對首回合以1比0贏波嘅聖保羅，未必有力破門，中位數2.5球入球細好路。
（周四早上8時45開賽）
聖保羅守將艾迪馬復出
不是冤家不聚頭，聖保羅繼上屆之後，又再喺聖保羅省聯賽淘汰圈階段同哥連泰斯狹路相逢，不過今次佢哋就攞到頭彩，首回合靠老將利尼嘅入球以1比0擊敗對手。有1球優勢喺手，仲有主力後衞艾迪馬傷愈復出，相信聖保羅今仗會以守代攻。
哥連泰斯有多位主力今仗冇得踢，包括攻擊手馬斯奧艾馬臣、謝臣同洛迪堅奴都有傷，冇咗佢哋幾位坐鎮等於斷咗哥連泰斯米路，加上安祖羅美路同法比安巴貝拿就分別為巴西同巴拉圭踢緊太公波，球隊實力大減，呢場就算喺主場都難有力反撲，捧細盤好過。
分享到：