FC悉尼贏波提前封王
周四上演澳職獨腳戲，珀斯光輝主場擺擂台迎戰FC悉尼。聯賽一哥FC悉尼今仗贏波，就可以提前奪得常規賽冠軍，不過佢哋近期氣勢有所放緩，面對主場4連勝、要力爭季後賽席位嘅光輝，冇咁容易畀悉尼過到關，今場光輝主場受讓咁筍，梗係捧1.8倍讓球主勝啦！（myTV SUPER 303周四下午6時30分直播）
衞冕常規賽冠軍嘅FC悉尼，今場只要贏波，就可以提前兩輪捧盃，兼成為澳職史上首支成功衞冕常規賽嘅球隊。
如果回帶到季初，面對當時表現唔算出色嘅光輝，FC悉尼肯定毫無懸念成為贏波大熱；不過今時唔同往日，尤其悉尼近3仗聯賽只係贏過1場，上仗都係靠運，臨完場前入波先僅勝中岸水手，以悉尼目前水準不定嘅狀態，今場作客未必咬得入光輝。
光輝爭玩季後賽必搏殺
珀斯光輝愈踢愈硬淨，近幾輪聯賽幾乎搶晒贏波3分，單計主場的話，更錄得4連勝，當中墨爾本城同墨爾本勝利兩大勁旅，都要喺光輝主場跪低。
現時聯賽排第8嘅光輝，同第6位西悉尼流浪者只有1分差距，因此光輝絕對有力衝擊季後賽席位，今場仲有一大班主場球迷撐場，就算面對強敵FC悉尼都冇有怕，讓球主勝值得捧場。
分享到：