賀芬咸目前位列第7，落後第6位RB萊比錫3分，距離第4位利華古遜更有5分差距，喺德甲尚餘僅5輪賽事情況下，想踢下屆歐洲賽甚至歐聯，今晚必須要全取3分，球隊目前正處於佳態，近6輪3勝3和共搶12分，係呢段時間德甲最弗球隊，近4主場3勝1和共入14球，包括上輪大炒另一榜尾球隊科隆6蛋。雖然今仗有射手烏夫停賽，但全隊最弗嘅箭頭基拿比近5輪賽事狂轟5球，呢位德國新星係拜仁慕尼黑借將，下季亦已落實被回收，既然賀芬咸教頭拿高斯文幫忙踢番起佢，當然希望重返班霸前幫助球隊攞到歐洲賽席位，今晚主場必定全面搶攻，有入球能力同樣甚強嘅卡拉馬歷同高大中鋒施沙拉爾掩護，基拿比面對弱旅勢必繼續數胡。
賀芬咸漢堡勢駁火
漢堡係德甲55年歷史上唯一全勤球隊，近季雖然多次遇上降班危機，但都一一捱過，不過今季情況似乎最惡劣，現時排尾2已落後倒數第3嘅緬恩斯5分，佢哋必須要超越緬恩斯至攞到護級附加賽資格，未來5輪每場都等於決賽，不過球隊喺新帥基斯甸迪斯帶領下睇到一絲希望，上輪面對原本聯賽6連勝嘅2哥史浩克，踢出充滿決心嘅爭氣波，最終不但靠肯特嘅世界波反勝3比2，全場表現同攻門次數更遠勝對手，得到呢救命3分對士氣幫助極大。漢堡近5次對賀芬咸取得3勝1和1負佳績，今晚強勢背水一戰實同主隊駁火，黑柴博有2.35倍嘅中位數3.5球大盤。
分享到：