聯賽5連勝衝歐戰資格
今晚續有英超快車，當中般尼主場對住車路士。般尼近排大勇，聯賽5連勝有力衝擊歐戰資格；反觀「Big6」車仔近況反覆，近期作客亦麻麻，對住般尼毫無優勢可言，今場「藍戰車」想擸晒3分唔係講咁易，般尼受讓半一，撐1.69倍下盤！
（Now 621周五凌晨2時45分直播）
車路士喺各項賽事關鍵時候又出現「甩轆」情況，除歐聯畀巴塞淘汰16強止步外，聯賽同樣冇運行，近7仗聯賽作客贏得兩場，現時少踢1場落後第4位嘅熱刺8分之多，領隊干地盛傳季後好大機會離隊，將帥都無心戀戰，唯一寄望就係嚟緊嘅足總盃4強，今仗隨時敷衍了事。主隊般尼近況大勇錄得5連勝，只係落後第6位阿仙奴兩分，仲有機會衝擊歐戰席位，今場戰意肯定贏晒，睇番近4次對賽般尼只曾1敗，首循環更爆冷作客贏車路士3比2，今晚再遇主隊受讓半一必撐下盤。
修咸頓冇退路大鬧李城
車仔喺足總盃4強嘅對手修咸頓，今晚同時間作客李斯特城。尾3嘅「聖人」現時落後史雲斯5分，護級形勢極為不妙，今場冇得揀焗攻，「聖人」近4仗聯賽全開3球或以上，同鋒力唔曳嘅「狐狸」對攻，中位數2.5球嘅1.92倍大盤好路。
（Now 622周五凌晨2時45分直播）
分享到：