法蘭克福爆主帥跳槽內亂
周三各大盃賽戰火重燃，阿King介紹過關心水畀大家；德國盃周四凌晨上演4強戰，史浩克04主場硬撼法蘭克福。史浩克近期主場好揪得，上仗仲喺打吡戰擊敗宿敵多蒙特，今場有力輕取軍心渙散嘅法蘭克福，1.8倍主勝要得過。
（無綫myTV SUPER 94周四凌晨2時45分直播）
史浩克04主場表現呈現強勢，各項賽事近5仗主場出擊全勝，而且只係失過1球，後防夠穩陣，上場仲喺魯爾區打吡擊敗死敵多蒙特，士氣爆晒燈。相反對手法蘭克福近排畀負面消息影響，皆因主帥尼高高華嚟緊轉投拜仁嘅消息近日流出，搞到球隊軍心大亂，上仗作客更遭利華古遜大炒4比1，今場未必有心機同史浩克爭晉級，都係捧番主勝好過。
法林明高進取吼大盤
再推介兩場自由盃畀大家，首先法林明高主場鬥哥倫比亞勁旅聖達菲，踢法進取嘅法林明高，喺自由盃主場近9仗全開3球或以上，可見經常同對手鬥攻，今場入球大唔好錯過。最後獨立隊主場迎戰哥連泰斯，獨立隊喺自由盃主場踢得特別搶韁，近5仗全部先取得入球，今場主隊第一隊入球值博。
分享到：