後防飄忽易失守
今晚西甲快車皇家馬德里主場面對畢爾包，「銀河艦隊」今季狀態勁飄忽，面對實力一般嘅對手都經常失守，好彩王牌C朗拿度近期着晒火，而且近年主場對親畢爾包入波都唔少，今仗有望再演入球騷，中位數3.5球嘅1.74倍大盤值博。
（Now 632周四凌晨3時30分直播）
皇馬衞冕聯賽可以話無望，主因係防線演出時好時壞，好似早前主場對住中游分子基羅納，皇馬都要失夠3粒，全賴C朗挺身而出個人「大四喜」，先有驚無險擸晒3分，呢位葡萄牙天王上場對馬拉加冇出抖到夠，可全力為球隊爭取士哥。
畢爾包到訪巴拿貝常大敗
畢爾包今季要兼顧歐霸成績跌Watt，搞到依家仲喺聯賽下半版位置，早前歐戰16強畀馬賽淘汰後，「巴斯克雄獅」終於可專心番聯賽爭取較佳位置，中場蒙尼恩長抖後復出有貨交，可以進一步加強球隊進攻能力。不過佢哋近年到訪巴拿貝都冇好下場，近9次作客面對皇馬輸晒之餘，仲經常畀「銀河艦隊」大炒，其中8次就開4球或以上，曾經爆出4比2及5比0等大波膽，今仗畢爾包就雞入到波，都難抵擋得住皇馬強勁炮火，大盤調到3.5球都照撐可也。
分享到：