澳職今午獨腳戲，紐卡素噴射機主場迎戰珀斯光輝。聯賽大部分時間走勢強勁嘅紐卡素噴射機，近排嚟到季尾表現跌Watt，聯賽遭遇兩連敗，相反要爭入季後賽嘅光輝，逢親作客面對噴射機都特別醒神，呢場有望再取佳績，既然有得受讓，梗係捧讓球客勝。
（有線603、604台及myTV SUPER 302台周五下午5時50分直播）
紐卡素噴射機絕對係今季澳職一支奇兵，不過隨着聯賽嚟到尾聲，成隊波嘅狀態好似有啲後勁不繼，近兩場輸晒不特止，上仗主場更畀墨爾本城大炒3比0。FC悉尼早前確認聯賽封王之後，冠軍懸念已不在，噴射機又已坐穩「2哥」位置，餘下賽程屬例行公事，戰意肯定差幾瓣。
弗爆阿當泰加特倒戈噴射機
至於仲有機會爭季後賽資格嘅珀斯光輝，上仗雖以2比3僅敗FC悉尼，不過前鋒阿當泰加特梅開二度，狀態有保證，呢位前噴射機猛將今場倒戈，光輝肯定有着數，加上佢哋近9次聯賽作客噴射機取5勝4和未輸過，往績佔優，呢場表現值得期待，讓球客勝好路。
分享到：