周日英超早場，阿仙奴將會主場面對史篤城。兵工廠今仗兩大正印前鋒齊齊候命，攻力有保證，不過今季阿仙奴出晒名攻強守弱，尤其主場出擊經常同對手演入球騷，今場面對搏命爭護級嘅史篤城，後防隨時再有甩漏，中位數2.5球嘅入球大有得諗。
（Now 621周日晚8時30分直播）
奧巴美揚拿卡錫迪孭飛
兵工廠落後聯賽4哥熱刺13分，要靠爭英超前4博下季歐聯入場券幾乎無望，想踢歐聯惟有靠歐霸捧盃，因此球隊今仗料會收起部分主力，留力下周歐霸8強首回合硬撼莫斯科中央陸軍。不過今場兩位主力前鋒奧巴美揚同拿卡錫迪都有望上陣，除咗因為前者唔合乎資格幫兵工廠出戰歐霸，今場無後顧之憂之外，拿卡錫迪亦啱啱傷愈復出，肯定希望靠呢場攞番比賽狀態，阿仙奴嘅火力不容忽視。
而且兵工廠喺主場向來主動，近9仗全開3球或以上，總共轟入23球失14球，自己地頭作賽永無悶場。加上深陷降班區嘅史篤城為護級肯定會搏命搶3分，而且近4次作客面對兵工廠有3次都開3球或以上，睇怕今場對攻戰實走唔甩，中位數2.5球入球大唔好錯過。
分享到：