今晚歐霸8強首回合另一場大戰，西甲馬德里體育會主場對葡超士砵亭。馬體會喺歐戰淘汰賽主場踢法保守，而且佢哋嚟緊要喺聯賽同皇馬踢「馬德里打吡」，今場隨時見好就收，中位數2.5球嘅1.8倍入球細值博。
（Now 632周五凌晨3時05分直播）
球員時代踢開後衞嘅馬體會教頭施蒙尼，深知防守重要性，所以教波理念都建立係穩固防守之上，馬體會除咗係今季西甲至今失球數最少嘅球隊之外，近4仗歐戰主場都只係失過1球，佢哋喺歐戰淘汰賽近8仗主場更有6次開2球或以下，就算主場出擊進攻意欲都唔高，加上有打吡顧慮，未必會如球迷所願大炒對手。
士砵亭作客死守望偷雞
士砵亭貴為葡超豪門實力唔算曳，作客環境下必定死守望偷到雞，唔會將防線推得太前畀擅長反擊嘅主隊得米，寧願盡量減少失波等次回合返主場再鍊過，既然兩隊都唔願攻，揀中位數2.5球入球細屬好路之選。
分享到：