今晚歐聯重頭戲一定係兩支英超豪門，利物浦同曼城喺8強決一死戰，意味今屆只有1支英超球隊入到4強；但從好一方面睇，亦確保4強有英超兵團，對本港球迷來講算係佳音，畢竟由香港以至東南亞地區都擁有大量英超躉。
講番今場大戰，利物浦對住曼城其實未驚過，年初主場贏過「藍月亮」4比3。至於曼城今季英超發揮超高水準，非常平穩，但踢淘汰賽又唔同聯賽，對曼城而言，今場首回合就算贏唔到，但只要唔輸，等次回合返主場再決勝負，相信佢哋都唔會覺得失望，今場最緊要唔好令踢法壓迫性強嘅利物浦佔得甜頭，甚至曼城唔輸多過1粒都已經收貨，預料和波機會高唱入雲。
巴塞踩油撞羅馬
另一場歐聯，近年意大利球隊之中，只得祖雲達斯可以喺歐聯同勁旅一戰，羅馬進身8強並唔代表本身實力強，對手巴塞隆拿首回合主場一定踩行油盡數，贏番兩、三球甚至更多。主Ｗ冇肉食，讓球主勝亦唔值博，除非你好有心水買波膽，否則呢場波唔值得投注，不如只睇利物浦對曼城算啦！
分享到：