今晚英超早場利物浦作客對榜尾西布朗，論實力同狀態「紅軍」贏成條街，不過佢哋要專注嚟緊對羅馬嘅歐聯4強大戰，前線「埃及文明」隨時先列後備，就算大紅人穆罕默德沙拿壓陣，入球能力點都打折扣；西布朗上輪爆冷贏曼聯，球員信心提升，就算護級機會渺茫都會搏埋佢，中位數2.5球嘅2倍細盤屬最佳選擇。
（Now 621周六晚7時30分直播）
利物浦今季聯賽勁入78球，其中55球嚟自穆罕默德沙拿、羅拔圖法明奴同沙迪奧文尼呢個組合，但考慮到下周三凌晨要喺歐聯4強首回合迎戰羅馬，領隊高普相信會留力。睇番早排歐聯8強次回合對曼城前嘅聯賽，利物浦就派出蘇蘭基同丹尼艾格斯呢啲二線前鋒掛帥，結果只能悶和0比0愛華頓。
西布朗信心提升走多步
西布朗現時位列榜尾，護級成功機會已相當渺茫，不過上仗爆冷作客1比0贏曼聯，唔多唔少會打起球員信心，每人都會走多步，主場出擊亦唔會任人魚肉。翻查西布朗過去4次聯賽主場對利物浦，總入球全部開2球或以下，有力抗衡「冇牙老虎」利物浦，細盤值捧。
分享到：