英超今晚獨腳戲有「拖肥」愛華頓主場迎戰「喜鵲」紐卡素，兩隊主帥「大Sam」同「肥賓」都有豐富經驗，不過近期聲望就截然不同。艾拿戴斯場季中接手愛華頓後未見起色，盛傳球會已經準備炒佢魷魚，相反賓尼迪斯就成功扭轉季初頹勢，再次受到球會肯定，正所謂寧買當頭起，紐卡素受讓平半梗係博「下盤」。
（now 621周二凌晨3時直播）
質疑大Sam 愛華頓士氣挫
愛華頓近3仗聯賽2和1負，艾拿戴斯帥位岌岌可危，早前球會向買季票嘅球迷發問卷調查，問球迷對「大Sam」信任程度有幾高，呢個舉動亦激嬲「大Sam」，分手似乎係遲早問題，士氣亦肯定會受到影響，加上中場核心基菲爾施古臣仲未趕得切復出，贏波機會係大打折扣。
紐卡素季中一度受降班威脅，不過近期愈戰愈勇，聯賽4連勝更加係「喜鵲」自2014年11月後最強英超走勢，過程中贏過阿仙奴、李斯特城呢 啲強隊，賓尼迪斯再次獲得到球會高層肯定，西班牙前鋒艾約斯佩雷斯連續3仗入波狀態大勇，舒維爾、馬特列治等主力亦正處最佳狀態，作客愛華頓保不敗唔難，受讓抵玩。
分享到：