陣容不整難同馬體會鬥爆
歐霸4強首回合重頭戲，周五凌晨阿仙奴主場火併馬德里體育會。馬體會教頭施蒙尼用兵一向講求穩陣，尤其作客面對強敵兵工廠，肯定會以守代攻，咁啱阿仙奴受傷兵問題困擾，攻擊力肯定受影響，度士覺得今仗兩隊都會睇定嚟踢，中位數2.5球入球細值得捧場。
（Now 633周五凌晨3時05分直播）
上周中阿仙奴領隊雲格宣布季尾離隊，意味喺兵工廠長達22年執教生涯即將告一段落，一眾「槍手」為咗讓「雲爺爺」可以好來好去，肯定會搏命為雲格攞尾彩，捧番隻歐霸盃。不過兵工廠今場進攻人手短缺，除咗攻擊中場米希達利恩因為膝傷肯定缺陣之外，同佢一齊効力過多蒙特嘅老友奧巴美揚又因為唔合上陣資格，冇得幫阿仙奴踢歐霸，人腳所剩無幾之下，依家就連韋舒亞同奧斯爾都可能要焗住帶傷病上陣，相信阿仙奴攻擊力一定受到影響。
6鬥英超兵5次開細
相反，擅長打防守反擊嘅馬體會，係西甲至今失球數字最少嘅球隊，防守表現仲好過至今聯賽不敗之師巴塞隆拿，而且馬體會今季歐霸踢咗6仗都只係失過3球咁大把，可見教頭施蒙尼打造嘅呢條防線絕對夠硬淨。雖然馬體會基沙文入球停不了，不過拍檔迪亞高哥斯達有傷缺陣，而且球隊近排對親英格蘭球隊都唔多波入，近6仗交鋒就有5次開兩球或以下，今場中位數2.5球入球細似乎更加值博。
分享到：