軒歷基斯「食慣好西」
今晚再有歐聯4強首回合激戰，拜仁慕尼黑主場對「冤家」皇家馬德里。拜仁自搵老帥軒歷基斯接手後重拾霸氣，聯賽提前封王冇晒顧慮，遇番上屆出局「仇家」皇馬，必趁主場之利復仇兼搶頭胡，拜仁小讓平半，細鬼捧1.75倍上盤！
（有線622、604、602及603台周四凌晨2時45分直播）
兩軍今次係繼上屆8強後再碰頭，上屆兩回合法定時間打和3比3，皇馬最終喺次回合加時入多3粒晉級，亦成功喺當屆封王。拜仁自軒帥「回朝」後重拾班霸本色，提早5輪衞冕德甲，令球隊可專心爭歐聯。軒歷基斯教過包括皇馬在內等多支西班牙球隊，對西甲波熟晒路，近10次帶領拜仁歐聯對住西甲兵，取得7勝2和1負嘅佳績，明顯「食慣好西」。今晚仲有皇馬棄將占士洛迪古斯倒戈，配合湯馬士梅拿及神鋒羅拔利雲度夫斯基，拜仁絕對有本錢贏波。
皇馬後防隱憂未解決
皇馬今季演出略嫌飄忽，除聯賽畀死敵巴塞隆拿遠遠拋離外，早前歐聯8強對祖雲達斯，首回合取得3比0優勢下，次回合主場居然畀祖記連追3球，好彩補時由C朗射入12碼先驚險晉級，不過就印證皇馬後防不穩隱憂，今勻對住老謀深算嘅軒歷基斯，皇馬弱點相信會表露無遺，一於撐拜仁主場攞威。
分享到：