周四有8場盃賽開盤，等阿King教大家點玩！歐霸4強首回合，周五凌晨法甲馬賽主場迎戰奧地利球會薩爾斯堡，兩隊8強都靠主場絕地反擊逆轉勝過關，尤其馬賽今屆歐霸主場夠惡，有一班弗到爆嘅進攻手坐鎮，馬賽主場有力先拔頭籌，主勝可作為過關首選。
（Now 632周五凌晨3時05分直播）
馬賽上輪8強面對德甲勁旅ＲＢ萊比錫，喺首回合作客輸0比1劣勢下，次回合回師主場火力全開，最終贏5比2，總比數5比3淘汰對手晉級，可見馬賽呢班波主場威力有幾勁，加上攻擊好手泰奧雲已連續2仗主場有波入，搭住能傳擅射嘅10號仔皮耶，馬賽喺主場有力旗開得勝。
串高士路細華斯高半和
再推介2場自由盃，開咧表現令人失望嘅巴甲老牌球會高士路，近3仗1球不入死晒火，而近2場自由盃都同對手互交白卷，今輪主場面對攻力一般嘅智利大學，中位數2.5球入球細好路。另外，作客挑戰巴甲華斯高嘅阿根廷球隊競賽會，自由盃作客鍾意睇定嚟踢，近10仗9次半場同對手打和，半場和值得追捧。
分享到：