今季澳職已經去到白熱化階段，今日先舉行季後賽4強戰首場，紐卡素噴射機主場迎戰墨爾本城，聽日就有常規賽冠軍FC悉尼同墨爾本勝利爭奪另1個決賽席位。常規賽亞軍紐卡素噴射機去到季尾狀態明顯回落，反而墨爾本城似乎愈戰愈有，近幾場更加係盡顯級數！因此雖然佢哋今日作客，但我仍然係充滿信心，平手盤我一定支持墨爾本城！
（有線604及603台周五下午5時50分直播）
紐卡素噴射機殘陣態沉
無可否認，主隊紐卡素噴射機由季初至季中都係弗到爆炸，原本大有機會可以追到榜首嘅FC悉尼，可惜下半季突然間放走進攻主力納博特，冇咗進攻重心之下，成績下滑正常不過啦。近4場贏得1場，試問士氣同鬥心有乜辦法唔受影響？今日進攻一瓣連做後備嘅進攻中場韋恩布朗都冇埋，亦缺少防中簡達路夫斯基，陣容唔夠完整，加上3個星期前佢哋先至喺主場吞咗墨爾本城3蛋，輸波陰影未除，今日真係撐唔落！
至於客隊「墨城」由於要喺季尾搶分，場場都去到最盡，近6場僅1敗，目標達到！前鋒科拿路利復出後狀態大勇，頻頻有入波，加上有進攻好手丹尼爾阿辛尼、史提芬莫克同維度錫等等支援，火力強大，今日亦有翼鋒布魯士卡馬奧復出，可謂如虎添翼，平手盤真係咪走雞！
至於聽日嗰場FC悉尼主場迎戰墨爾本勝利，FC悉尼今季長時間保持穩定狀態，陣容完整；反觀「勝利」表現飄忽，雖然上仗贏波出線，但係後防問題一路冇好好解決，所以小弟都係信FC悉尼可以攞到決賽資格。
分享到：