英超早場由曼城主場對哈特斯菲爾德，雖然曼城已經提早奪得聯賽冠軍，但仲有目標，就係力爭打破由車路士保持嘅英超單季最多勝仗、最多積分及最多入球紀錄，因此今仗絕對唔會手軟。哈特斯菲爾德亦要搶分護級，應會豁出去一搏，最好揀中位數3.5球嘅入球大。
（Now 621周日晚8時30分直播）
哈特斯菲爾德搶分駁火
曼城今季聯賽已經羸咗30場累積93分，追平車路士上季創下嘅單季30場勝仗紀錄，亦同車路士創下95分只差2分，換言之「藍月亮」只要再贏1仗，就可以同時打破2個紀錄。此外，曼城目前亦累積102個聯賽入球，僅落後車路士於2009/10球季創下嘅103球紀錄1球咁大把，所以曼城今場省2球，同樣可以將紀錄據為己有，對於呢支火力強勁嘅豪門來講，要完成任務，問題應該唔大。事實上，曼城近5場聯賽入17球失6球，總入球全開4球或以上，今場大有可能繼續瘋狂入球。
哈特斯菲爾德護級形勢不容樂觀，事關今場聯賽作客曼城後，最後兩輪對手分別係車路士及阿仙奴，搶分機會明顯低於其他護級對手。為免夜長夢多，哈特斯菲爾德必趁曼城踢「風流波」，爭取爆冷機會，絕對唔會坐以待斃，有望同曼城合演入球騷。