英冠常規賽今晚煞科，冠軍早已由狼隊奪得兼可以直升上英超，今晚最受矚目係卡迪夫城、富咸，邊1隊可以獲得亞軍，跟住狼隊直接升上英超。第2位嘅卡迪夫城形勢比較好，今仗只要主場擊敗弱隊雷丁，就完成任務，勢必盡地一煲爭勝，直取卡迪夫城讓球主勝。
（周日晚7時30分開賽）
英冠頭2位球隊可以直上英超，第3至第6位需要踢附加賽爭奪1個升班席位。卡迪夫城僅領先第3位富咸1分，今仗絕對冇失分空間，幸好對手雷丁實力差，近2仗合共吞咗7隻光蛋，作客更加5連敗，其中3場淨輸3球，預料卡迪夫城可以大勝1場賀升班。
富咸作客力足6連勝
另1場富咸雖然形勢比較被動，但點都要贏埋佢，再等卡迪夫城失分，以富咸作客5連勝強勢，今仗作客足以輕取伯明翰，客W值博。