今晚亞冠盃16強次回合重頭戲FC廣州主場對天津QJ，FC廣州今季由意大利名宿簡拿華路執教後表現走樣，近4仗未贏過，包括首回合同天津QJ打和0比0，加上主將鄭智、鄭龍因傷病缺陣，今場仲要讓一球，實在太過火，捧天津QJ下盤。
（Now 671、Fox Sports Play、有線612、652台周二晚8時直播）
簡拿華路上季教天津QJ有聲有色，但今季重返FC廣州完全唔掂，中國足協盃一早出局，現時聯賽僅排第5，對於呢支班霸嚟講係恥辱性位置。FC廣州近兩場主場都贏唔到，今場讓波實在太受高估。天津QJ由葡萄牙名宿保羅蘇沙領軍，有巴西著名射手柏圖、比利時國腳韋素等猛將助陣，屬於中超新晉豪門，受讓有着數。
串全北讓球勝艾杜哈尼勝
另1場16強次回合，南韓全北汽車首回合作客意外2比3不敵泰國武里南聯，幸好全北近7仗亞冠盃主場全勝，有力收復失地，揀讓球主勝。（Now 672、Fox Sports Play、有線613、653台周二晚6時直播）卡塔爾艾杜哈尼於各項賽事18連勝，包括首回合作客贏阿聯酋艾阿恩4比2，走勢銳不可當，今仗返回主場，有力再挫對手。