歐洲各大聯賽嚟到尾聲，當中今晚英甲升班附加賽4強上演次回合關鍵戰，由梳士貝利主場再鬥查爾頓。首回合梳士貝利作客贏1比0，表面形勢大好，不過佢哋季尾主場表現飄忽，近4次地頭出擊只獲1勝；客軍查爾頓背水一戰鬥志爆棚，可唔可以絕地反擊成功未知，但要保住唔輸問題不大，阿King推介1.52倍讓球客勝！
（周一凌晨零時15分開賽）
英甲奇兵梳士貝利今季開咧走勢強勁，曾經一度穩坐聯賽「1哥」席位，可惜去到季尾狀態下滑，最終只能以第3名過終點線，將直接升班資格嘅「2哥」位拱手讓咗畀布力般流浪，梳士貝利要透過附加賽嚟爭升上英冠。梳軍喺附加賽4強首回合作客「6弟」查爾頓，雖然憑中場莊路蘭於比賽尾段一箭定江山，搶得領先優勢，但佢哋近4次主場出擊，只獲1勝1和2負劣績，當中包括曾以0比2輸過畀查爾頓，今晚再遇客軍呢隻「受傷獅子」，梳士貝利唔易再佔甜頭。再者，現實啲睇佢哋今仗唔輸都夠晉級，爭勝意欲成疑，轉吼讓球客勝好過。
ＦＣ洛杉磯啞火 細盤趁熱食
另外阿King介紹埋周一早上兩場美職大戰。其中火力旺盛嘅奧蘭多城，主場火併同樣攻得嘅阿特蘭大聯，入球騷相信走唔甩，中位數3.5球嘅入球大有2.29倍咁好分頭，抵玩！
（無綫myTV SUPER 303周一早上6時直播）
尾場美職新軍ＦＣ洛杉磯主場挑戰紐約城，ＦＣ洛杉磯班前鋒喺新建主場冇料到，近3次主場全開2球或以下，今場大細中位數3.5球嘅1.57倍細盤可以趁熱食。
（無綫myTV SUPER 303周一早上8時30分直播）