足智彩頭兩輪32場都有開讓球盤，好快幫大家搵到好嘢，首輪埃及對烏拉圭、次輪德國對瑞典，兩場都睇好下盤，揀同樣受讓一球嘅埃及同瑞典。
德國大賽次輪恐懼症
先講德國對瑞典，唔講唔知，原來德國近年有「大賽次輪恐懼症」，近5屆大賽有4屆分組賽第二輪有4場贏唔到，2016年歐國盃0比0和波蘭、2014年世盃2比2和加納、2012年歐國盃2比1荷蘭、2010年世盃0比1塞爾維亞、2008年歐國盃1比2克羅地亞，即使係2012年贏波，都只係贏1球，所以讓球德國讓一球，捧下盤真係坐和望贏。
至於埃及對烏拉圭係開幕次日賽事，烏拉圭要讓一球，當然穆罕默德沙拿如果能夠趕及上陣，呢個下盤真係唔使考慮咁多，即使冇沙拿在陣，烏拉圭亦未必可以贏到埃及2球，純以盤路計，埃及受讓一球，真係着數到暈。