西岸1哥慣踢穩陣波
周一早上美職獨腳戲，肯薩斯體育會主場鬥明尼蘇達聯，阿King心水滿瀉醒番條過關畀大家。肯薩斯貴為「西岸1哥」主場氣勢唔錯，不過近期火力有下滑迹象，面對殘陣嘅明尼蘇達聯，都未必炒得起，熱捧中位數3.5球入球細。
（無綫 myTV SUPER 303台周一早上8時30分直播）
有云「贏波靠進攻、捧盃靠防守」，肯薩斯體育會暫列西岸榜首，多得一班後防踢得夠穩陣，近6仗只係失過2球，但佢哋近期進攻方面就曳得多，尤其有主力攻擊手莊尼羅素被徵召去踢太公波，火力進一步削弱，搞到近5仗全開2球或以上。至於明尼蘇達聯本身已經質素麻麻，最近仲遇上傷兵潮，除咗森哥連同貝特奧雲迪打柴，4件中場奇雲莫連奴、保殊、蘭普臣同艾芬芬尼清一色膝傷，人腳勁唔齊，呢場中位數3.5球入球細冇走雞。
串巴希亞高士路W
另外兩關阿King就睇中巴甲，首先有巴希亞主場挑戰甘美奧，甘美奧傷兵滿營，而且仲有多位球員離隊踢國家隊比賽，實力大減，捧番主勝好過。最後有聯賽新軍施亞拉硬撼高士路，主隊雖有新帥佐真奴首次帶隊作賽，衰在班波質素有限，面對勁旅高士路冇着數，客勝值博。