形勢七國咁亂或得失球差定生死

克羅地亞2戰全勝已穩入16強，由於得失球差大幅領先，除非今晚大敗畀冰島，同時尼日利亞大勝阿根廷，否則克羅地亞幾可穩奪首名資格。尼日利亞擊敗阿根廷便可出線，如果和波就要望冰島失分；萬一尼日利亞和波、同時間冰島贏波，尼日利亞與冰島就要計得失球差；冰島與阿根廷同得1分，想出線除咗自己一定要贏波，仲要望對手失分，如果2隊齊齊贏波，便需計算得失球差決定最後排名。