周五凌晨世盃G組最後一輪，巴拿馬迎戰突尼西亞，兩隊均2連敗篤定出局，今場為名譽而戰，攻力不俗嘅突尼西亞面對實力有限的巴拿馬，肯定大踢進攻足球爭勝攞尾彩，中位數2.5球入球大好路。（Now 617及619周五凌晨2時直播）
突尼西亞分別不敵英格蘭同比利時兩大勁旅無可厚非，不過共失7球防線真係幾曳，而且今晚多位後防主力有傷缺陣，包括首戰中被迫退下火線嘅門將穆斯哈辛，同上仗傷出嘅後衞施安賓尤素夫及戴倫布朗，令防守力大打折扣。
突軍入得又失得
不過突軍進攻表現可圈可點，對住英格蘭及比利時都入到波，證明攻擊力有保證，尤其進攻核心卡斯里，喺前場穿針引線作用明顯，上仗面對比利時，呢位喺法甲揾食嘅攻擊好手，就交出一個入球及一個助攻，表現搶鏡。
首次參加世盃嘅巴拿馬，整體實力認真麻麻，兩仗入得1球失咗9球，全開3球或以上，而且兩位中後場主力米高梅里路和阿曼度谷巴，呢場齊齊坐波監做觀眾，進一步削弱整體實力，相信面對火力不俗的突尼西亞，巴拿馬後防隨時再大出血，中位數2.5球入球大有1.78倍玩得過。