呢排日日世界盃，周五休兵一天，咁轉吓口味，留意番周六早上有場美職獨腳戲，明尼蘇達聯主場鬥FC達拉斯；明尼蘇達聯主場近期踢得保守，唔會畀對手太多發揮機會，對手FC達拉斯連續第3場客戰難免有疲態，相信也好難發圍，中位數2.5球入球細有2.13倍玩得過。
（無綫myTV SUPER 302台周六早上8時直播）
FC達拉斯作客連敗難發圍
明尼蘇達聯上仗靠攻擊手米基爾伊巴拉入球，一度取得領先，可惜最終不幸畀對手反勝，士氣大挫，入波功臣米基爾伊巴拉仲食埋紅牌，今場停賽做觀眾，搞到球隊少咗位進攻核心，加上連續4場作客未贏過信心已跌入谷底，球員頻撲體力亦存隱憂，今場雖回師主場出擊，但肯定會先歎慢板，況且球隊主場近排轉踢守勢波，近4主場3次開2球或以下。
咁啱撞正FC達拉斯主力後衞薛格拿要停賽，加上近期作客2連敗，FC達拉斯係咁嘅情況下更加唔敢冒進，必定大踢穩陣波，咁就好難對明尼蘇達聯構成威脅，中位數2.5球入球細有分頭玩得過。