紅牛後防穿窿照攻
周日除咗世盃16強大戰，各地聯賽仍有好嘢，阿King度條好嘢幫大家搵餐晏，其中美職FC多倫多主場硬撼紐約紅牛，紅牛兩位後防主力踢太公波未歸，後防隱患無窮，今仗作客面對攻力不俗嘅FC多倫多，好難頂得住，中位數2.5球入球大玩得過。
（無綫myTV SUPER 302台周一凌晨4時30分直播）
世盃期間繼續開波嘅美職，不少球隊都有主力被國家隊徵召，紐約紅牛就係其中一支受影響球隊，佢哋兩位後防主力費度艾斯哥巴及米高梅里路，代表巴拿馬出戰世盃仍未歸隊，大大影響紅牛防守力，而且佢哋近期作客都唔識縮，下下同對手對攻，近6作客5次開3球或以上。對手FC多倫多攻擊中場域陀華斯基斯，近4仗入3球腳風順，加上有攻擊核心基奧雲高幫手，要數胡話咁容易。
莫迪士氣好唔赦白蘭恩
另一場美職，溫哥華白帽主場對科羅拉多急流，有前冇後嘅白帽，近7場聯賽6次開4球或以上，入得又失得，中位數3.5球入球大追得過。最後推介場挪超，「一哥」白蘭恩主場迎戰莫迪，白蘭恩近2仗主場都被對手逼和，表現明顯跌Watt，相反莫迪上仗3比0大勝士氣高昂，有力繼續搶分，有得受讓捧「讓球客勝」。