迪奧文迪5場轟7球
周三早上美職獨腳戲，侯斯頓戴拿模主場硬撼FC洛杉磯。美職新軍FC洛杉磯大打攻勢足球，絕對係聯賽又一支踢法令人興奮嘅球隊，尤其佢哋作客不嬲鍾意同對手打對攻，呢場面對攻力不俗嘅侯斯頓戴拿模，中位數3.5球入球大有分頭值博。
（無綫myTV SUPER 302台周三早上9時直播）
侯斯頓戴拿模必鬥攻
FC洛杉磯由美國球壇名宿巴特利領軍，今季強勢空降美職，除咗有全新球場落成，吸引唔少球迷嚟現場睇波之外，仲揾嚟多位實力猛將坐鎮，早前佢哋就由英冠侯城，簽入前鋒迪奧文迪，呢位挪威攻擊手不負眾望，近5場為球隊上陣狂轟7球，係佢哋入波嘅保證。加上FC洛杉磯近4仗作客，全開3球或以上，可見呢班波作客踢法照攻唔會縮。
FC洛杉磯今場作客面對火力不俗嘅侯斯頓戴拿模，兩支西岸季後賽競爭對手，肯定會以砌低對手為目標，FC洛杉磯近期豪取5連勝弗爆，戴拿模最近連敗急於反彈，兩軍鬥攻格有入球騷睇。