岡山綠雉傷停一籮
為期一個月嘅世界盃曲終人散，但仲有其他波玩，周一賽程有幾場二線波都幾好路，阿King對日乙岡山綠雉主場對松本山雅特別有心水，綠雉傷停滿營，相信松本山雅可乘虛而入，客勝有計。
（周一晚6時開賽、馬會網上文字直播）
依家排緊中游嘅綠雉，近況認真麻麻，聯賽連盃賽在內，近7仗只得1勝4和2負，單計近6仗主場都未贏過，而且卡路士杜基、李勇宰及增田繁人續因傷缺陣，另一主力塚川孝輝亦要坐波監，實力削弱。至於松本山雅，儘管喺上周中日皇盃被踢出局，但輸畀日職球隊浦和紅鑽都好正常，單計聯賽近6仗贏咗5場，弗到漏油，今仗有力反客為主，客勝好路。
艾夫斯堡食住哈馬比
夜啲瑞典超，艾夫斯堡主場對哈馬比，雖然哈馬比係前列分子，但經過世盃休戰期後，上輪主場領先1粒之下，喺主場反輸畀奧斯達辛斯，明顯未上力，相反連世盃前嘅賽事在內，艾夫斯堡近5仗全勝，連同近5次碰頭，亦錄得4勝1負，擺明食住哈馬比，主勝要捧。最後係聽朝巴西盃16強次回合，高士路主場對帕拉尼恩斯，高士路於首回合反勝2比1，而且近6仗主場出擊取得5勝1和，有力輕取對手。