陷入信心危機嘅皇家馬德里，於歐聯G組主場迎戰捷克代表柏辛域陀尼亞。皇馬連續5場不勝陷低谷，主場面對弱旅實不容再失，決心毋庸置疑，但考慮到皇馬近期防守力麻麻，加上近5場歐聯主場只有1場冇失波，4次總入球開4球或以上，轉捧中位數3.5球入球大為妙。
（有線661及601台周三凌晨3時直播）
皇馬上場聯賽主場1比2不敵利雲特，聯賽連盃賽近5戰不勝兼3連敗，教練洛佩特吉深受下台壓力，唯一慶幸是皇馬終於打破4場入球荒，今仗面對弱旅柏辛域陀尼亞，勢必精銳盡出強攻對手，其實形勢上亦不容皇馬失分，歐聯2戰1勝1負與羅馬同得3分，極需要贏波爭取出線，不過皇馬後防近期漏洞甚多，法國中堅華拉尼上場更兩度犯錯累球隊輸波，穩定性大不如前，失波非奇事。
柏辛域陀尼亞有前冇後
柏辛域陀尼亞頭2場分組賽1和1負，實力跟皇馬差兩班，但球隊勝在冇包袱，面對強隊無懼色。柏辛域陀尼亞對上一次亮相歐聯分組賽於2013/14球季，當時3場作客面對拜仁慕尼黑、曼城及莫斯科中央陸軍只有1場交白卷，3場入4球失12球，踢法有前冇後，遇上積極求勝的皇馬隨時合演入球騷。