今晚直播多蒙特對哈化柏林，蘇斯黑柴生日由拿仁操刀，先祝黑柴生日快樂、身體健康！雖然黑柴放假，但佢講低咗要捧多蒙特，「蜜蜂兵團」啱啱踢完歐聯，但由於連續幾場主場作賽唔使頻撲，球員冇咁攰，而且兵源充裕之下，夠炒作客甚曳嘅哈化，讓球主客和多蒙特讓波，照捧讓球主勝。
（on.cc東網周六晚9時30分直播）
數當今德甲狀態最火熱球隊，非多蒙特莫屬，「蜜蜂兵團」於各類賽事錄得7連勝，每場最少轟入3球，合共射入30球認真誇張；中前場球員個個弗爆，尤其是馬高列奧斯及韋素呢對中場柏檔攻守兼備，麥斯菲臘亦開始上力，雖然前鋒柏高艾卡沙有傷，今仗上陣機會只係一半半，不過英格蘭新貴查頓辛祖仍可肩負入球重任，似乎冇乜邊隊可以頂得住。周中歐聯分組賽，多蒙特對住作客以防守出名嘅馬德里體育會都大炒4球，連後衞拉菲爾古里路都射入2粒，「蜜蜂兵團」堪稱個個球員都入到波。
哈化柏林作客腳軟
哈化柏林現時排聯賽第6，不過作客表現始終差咁啲，最近3場作客分別同緬恩斯互交白卷、不敵雲達不來梅1比3及打和禾夫斯堡2比2，多蒙特主場威力強勁，而且兵力充足，為鞏固聯賽一哥位置，相信仍然排出強陣搶分，推介1.98倍讓球主勝。