以戰養戰迎澳足盃決賽
今午澳職獨腳戲，阿德萊德聯主場出擊鬥紐卡素噴射機。阿聯開咧戰表現不俗，成功逼和兩屆常規賽冠軍FC悉尼，狀態明顯弗過首戰輸波嘅噴射機，呢場繼續有地利有望再添勝仗，主W有1.95倍堅吸引！
（Now 638、有線614及654台周五下午4時50分直播）
「澳職紅魔」阿德萊德聯喺揭幕戰對住近2屆常規賽冠軍FC悉尼表現對辦，大部分時間都佔盡控球優勢之餘，仲成功靠新加盟嘅小將史葛加路維射入嘅世界波，搶得今季聯賽首個入球，雖然最終都失守未能攞足3分，不過整體發揮已經算係水準之上。
查實阿聯喺澳職開咧戰前，已經率先打入澳足盃決賽，論狀態明顯「撻着咗」，今仗佢哋嘅射手巴巴迪亞華拉同前鋒拉治蘭布魯克又可以復出，人腳更見完整，加上嚟緊下周二阿德萊德聯就會喺澳足盃決賽再鬥FC悉尼爭冠，為保持士氣，呢場聯賽肯定希望贏波壯行色。
噴射機奧當路雲仲未踢得
上季攞到常規賽亞軍嘅紐卡素噴射機，聯賽首戰就以2比1輸畀威靈頓鳳凰，可見主力射手奧當路雲嘅停賽對成隊波影響頗大。睇返往績，噴射機近4次作客對住阿聯輸咗3次，個勢明顯畀對手食住，呢場噴射機想搶分邊有咁易？梗係捧主勝啦！
兩軍交手例多波入
另外，阿德萊德聯近5次喺聯賽同紐卡素噴射機交手，有4次總入球都係3球或以上，上季次循環交鋒，阿聯仲贏5比2，開埋總入球「7+」，今仗中位數2.5球嘅大盤有1.68倍，值得一試o架！