周五凌晨英聯盃16強上演全英超對碰，曼城主場迎戰富咸。論實力及狀態，曼城毫無疑問贏富咸幾條街，不過曼城現時兼顧三條戰線，無可避免會喺重要性較低嘅英聯盃作出輪換或留力，讓球主客和曼城讓三球唔多值博，波童建議轉敲3.5球嘅入球細。
（周五凌晨3時45分開賽）
小將當家難大勝
曼城喺周二凌晨作客1比0擊敗熱刺，重登英超榜首，相隔三日又要再度出戰，相信哥迪奧拿喺陣容上會作出取捨，睇番佢哋上圈英聯盃作客贏牛津聯3比0一役，小將辛真高、菲爾科頓、巴謙戴亞斯及門將艾利真歷梅歷治都有份打正選，預計今場情況會差唔多，以曼城近7場只有1次可以淨勝對手4球或以上嚟睇，讓球主客和讓到三球實在唔太值博。
富咸雖然4連敗兼失15球，不過正所謂知恥近乎勇，面對技高一籌嘅對手相信亦都唔會踢得太進取。富咸今季聯賽首循環嚟到曼城主場只係輸0比3，今次乘對手有可能留力，應該可以拉近啲距離，大細中位數有3.5球，波童建議揀細盤。